ನನ್ನ ನೆನಪ
ನಿನಗೆ
ನೆನಪಿಸಲು
ನಿನ್ನ
ನೆನೆಪಿಗೆ
ನೆನಪಿಸಲೇ ನಾ . . ?

ಕಳೆದು ಹೋದ 
ಮನಸಿನ ನಡುವೆ 
ನಿನ್ನ ಬಿ೦ಬ ಮೂಡಿದೆ, 
ಮಾತು ಮರೆತ 
ಒ೦ಟಿ ಮನಕೆ 
ನಿನ್ನ ನೆನಪೆ ಕಾಡಿದೆ...

ಸದಾ ತೊಳೆದಿಟ್ಟ 
ಮನೆಯಂತಹ ಮನ ಹೊತ್ತ ನನಗೆ 
ನಿನ್ನ ಹೊರತು 
ಇನ್ಯಾರದೆ ಪಾದದ ಕೆಸರು 
ಅಲ್ಲಿ ಚಿತ್ತಾರ ಮೂಡಿಸುವುದು ಬೇಕಿಲ್ಲ...

ಸೋತ ಕ್ಷಣಗಳಲ್ಲೆಲ್ಲ
ನಿರೀಕ್ಷೆ ಮಾತ್ರ ಭರವಸೆ,
ಸಾಯುವ ಮೊದಲಾದರೂ 
ಅಪೇಕ್ಷಿತ ಸಂತಸ ಮತ್ತೆ ಸಿಕ್ಕೀತೇನೋ 
ಎನ್ನುವ ಕಿರು 
ಆಸೆ...

ಕವನವೇಕೆ
ಕಾಂತೆ,
ನೀನೆ ಅಲ್ಲವೇ
ನನ್ನ
ಭಾವದ
ಒರತೆ.... ?

ಮುಂಜಾನೆಯ 
ಇಬ್ಬನಿಯಲಿ ಅರಳಿದ 
ಕಂಗಳಿಗೆ 
ನಗಲು,
ಸಂಜೆಯ ಬೇಸರದ
ಅಂಜಿಕೆ....
  

ಗೆಳತಿ,
ನಿನ್ನ ಕಣ್ಣೀರ ಮೇಲೆ 
ನನಗೆ
ಹೊಟ್ಟೆಕಿಚ್ಚು ಕಣೆ,
ಯಾರಿಗುಂಟು ಆ ಭಾಗ್ಯ
ಕಣ್ಣ೦ಚಿನಿ೦ದ ಜಾರಿ
ನಿನ್ನ
ಮಡಿಲಲಿ ಕೊನೆಯಾಗುವ 
ಸೌಭಾಗ್ಯ . . .